Жаңы жылдык иш-чара

2025-жылдын Жаңы жылын тосууга даярдануу жана өткөрүү максатында 2024-жылдын 20-ноябрындагы Бишкек шаарынын мэринин №276-р токтомунун негизинде бир катар иш-чаралар жүргүзүлдү:

1. Жаңы жылдык иш-чаралардын графиги түзүлүп, бекитилди.

Окуучулар үчүн “Жаңы жылдык балаты” программасы даярдалды, бардык этаптар белгиленген мөөнөттө жүргүзүлдү.

2. Коопсуздук боюнча № 76 буйруктун негизинде инструктаждар өткөрүлдү.

Мектеп администрациясы жана мугалимдер окуучуларга жана ата-энелерге коопсуздук эрежелери боюнча маалымат беришти. Мындан тышкары, иш-чара учурунда коомдук тартипти сактоо жана өрт коопсуздугу боюнча алдын алуу иш-чаралары жүргүзүлдү.

3. Жаңы жылдык декорациялар даярдалды.

Бардык класстарда жана мектеп имаратында майрамдык кооздоолор уюштурулуп, Жаңы жылдык маанай түзүлдү.

4. Коопсуздукту камсыздоо үчүн күчөтүлгөн күзөт уюштурулду.

Иш-чаралар учурунда жана майрам күндөрүндө мектепте жана анын айланасында күзөтчү мугалимдер, жаш өспүрүмдөр инспекторлору жана башка коопсуздук кызматкерлери  күзөткө турушту.

5. Театр жана тарби иштери боюнча директордун орун басары, мектеп уюштуруучулары, класс жетекчилер коопсуздук жоопкерчилигин алышты.

“Байчечекей” театрынын администрациясы коопсуздук эрежелерин сактоо үчүн чараларды көрдү. Класс жетекчилер окуучулардын жүрүм-турумун көзөмөлдөп, зарыл учурларда уюштуруучуларга маалымат берип турушту.

Жыйынтык: Жаңы жылдык иш-чаралар ийгиликтүү өткөрүлдү. Бардык коопсуздук чаралары аткарылып, окуучулар  үчүн жагымдуу маанай түзүлдү.